Sira

María Dueñas

Despois de «El tiempo entre costuras», «Sira», a nova novela de María Dueñas, volve a mergullarte nun tempo inesquecible.
Tiveron que transcorrer 12 anos para volver reencontrarnos con Sira, a protagonista indiscutible do tempo entre costuras.
Episodios históricos como o atentado no hotel King David en Xerusalén e o conflito vivido nos anos finais da administración británica en Palestina ou a visita de Eva Perón a España serven de escenario para as vivencias de Sira.
Sira
Situación: Emprestado.

A II Guerra Mundial chegara ao seu fin e con el o principio da historia de Sira Quiroga, Arish Agoriuq e agora Sira Bonnard, este último apelido recíbeo ao casar con Mark Bonnard, máis coñecido como Marcus Logan. O recente matrimonio debe deixar atrás todo e irse a Palestina, alí Marcus tiña unha nova misión pero ela agora xa non. Os tempos de grandes eventos, vestidos elegantes e misións imposibles caeran no esquecemento para levar unha vida máis rutineira, agora Sira non tiña un rol importante e é que apenas sabía quen era ela.

Os conflitos en Palestina causan dor e destrución, entre as mortes máis inminentes está a de Marcus Logan, para ela a primordial e máis dolorosa das noticias pero non pode decaer e menos aínda cando ten entre os seus brazos o froito do seu amor co até agora esposo. Pero ese país que lle quitou a vida non podería ser o lugar onde residir durante máis tempo, por iso foxe a un novo destino: Londres. Ese é o país de orixe do seu esposo e alí polo menos estará coa súa sogra, unha persoa coa que tratara en contadas ocasións pero coa cal terá que convivir até que saiba como voltar enfrontarse á vida.

É nesa cidade onde todo empeza a coller un rumbo que marcará o seu novo proxecto de vida. A Sira o azar sempre lle ten ten gardada unha esperanza, un escape de vida e é que de maneira casual coñeceu recentemente a Nick Soutter e a xornalista Fran Nash, con eles penetraríase nas reviravoltas da radio e a información, e iso de recapitular información Sira era toda unha experta polo que lles axudaría nesa nova aventura. Entre o tres formarán un gran equipo que percorrerá os abatidos restos de Inglaterra, para logo ir de novo a España e é que alí os desaires da desolación estarían acompañados da frustración dos españois tras a gran exhibición para o recibimento de Evita Perón.

Regreso ao fogar

Gran parte da trama desenvólvese en España, a ese lugar que a viu nacer regresa Sira para profundar de preto os detalles sobre a gran ovación de Franco pola chegada de Eva Perón, a súa figura é todo un enclave no seu país e aquí tamén quería que fose exaltada, aínda que máis ben quería demostrar que o goberno español estaba á altura, non importaba que houbese odio, medo, incerteza polo fin da guerra e é que a verdadeira sociedade española estaba a vivir unha posguerra, con todo o que iso conleva.

No medio da exaltación por estar tras a noticia aparece unha persoa dabondo coñecida pola protagonista, alguén que no pasado truncou a súa vida e agora parece pola en xaque de novo. Ela cre estar a vivir un soño ou pesadelo, segundo se mire, o que si ten claro é que a aparición dese ser volverá trastornar a súa vida. Pero en España, Sira volverá reencontrarse co seu pai, e amigos do pasado. Lembrará o seu vello salón de costuras, agora só repleto de po e darase conta da gran evolución daquela modista que fuxiu para vivir unha gran historia de amor para logo converterse en espía. Pero non só terá recordos do pasado, tamén vivirá algúns novos grazas a súa correcta e firme presenza e é que coñecerá a rostros coñecidos da política que tamén quedarán rendidos á súa figura.

E para finalizar, María Dueñas levaranos de novo a Marrocos, alí percorreremos da man de Félix, Candelaria, a matutera ou o vello comisario os recónditos sitios desa primeira novela. Móstraos a modo de nostalxia e é que eles apenas son relevantes para a trama; con todo, tan só mencionalos permíteche chegar mellor a eles e á trama en si. E é que este é por agora o último destino de Sira, alí vivirá un suceso duro que xamais logrará esquecer e é que é sen dúbida, o momento de maior medo da súa vida.



Liches este libro? Cómo o valorarías?

Sending
User Review
0 (0 votes)

AVV. de Moreiras